Mister kiks, jedan od najkomičnijih čuvara mreže u 21. vineku, Loris Karijus, ponovo jaše.
Golman Bešiktaša je danas zablistao na kontrolnoj utakmici protiv nižerazrednog Altinordua. Crno-bijeli iz Istanbula su odigrali samo 2:2 protiv ekipe koja zauzima 14. mjesto u drugoj ligi, a jedan od krivaca za taj rezultat je i Karijus.
Kod rezultata 1:0 za Bešiktaš, njemački golman je na nevjerovatan način postigao autogol. Jedan lagani centaršut s boka, koji bi uhvatio svaki golman početnik, Karijus je „uspio“ da sprovede u svoju mrežu. Potpuno sam, neometan pred golom.
Altinordu je potom poveo 2:1, a Bešiktaš je do kraja poluvremena izjednačio na 2:2 i taj rezultat je ostao do kraja. Ali, cijela utakmica će brzo pasti u zaborav, samo „majstorija“ Lorisa Karijusa će se pamtiti neko vrijeme.
Komentari (0)
POŠALJI KOMENTAR