Stari aerodrom dobio je novi park. Zeleni urbani džep nova je parkovska površina u tom dijelu grada i donacija je društveno odgovorne kompanije OKOV, saopšteno je iz Glavnog grada.
”Negdje na početku rada ove gradske uprave, mi smo htjeli da pokrenemo jedan novi talas i da naša Podgorica dobije svoje zeleno lice i da svaki dio grada dobije jednu novu parkovsku površinu ili igralište, koje će služiti našim sugrađanima i učiniti njihov život ugodnijim. Nismo se nadali da ćemo svi biti aktivni i naići na takvo razumijevanje građana i društveno odgovornih kompanija, ali evo ne prođe ni jedna sedmica a da mi ne otvorimo neku novu manju parkovsku površinu ili igralište u svakom dijelu grada,” istakla je zamjenica gradonačelnika Slađana Vujačić.
Gradska uprava i u narednom periodu nastaviće sa ozelenjavanjem parkovske površine na cijeloj ovoj urbanističkoj parceli.
“Osim ove parkovske površine, naša namjera je da uredimo cijelu parcelu i dobijemo jedan zaista veliki park, kakav Stari aerodrom i Podgorica zaslužuju,” zaključila je zamjenica Vujačić.
Komentari (0)
POŠALJI KOMENTAR