U terminu od 16 sati odigrane su četiri utakmice 26. kola engleske Premijer lige, a postignuti su sljedeći rezultati: Mančester junajted – Fulam 1:2, Aston Vila – Notingem Forest 4:2, Brajton – Everton 1:1 i Kristal Palas – Barnli 3:0.
Fulam je bio jako opasan, gol Junajteda je "visio u vazduhu" i Onana je konačno kapitulirao u 65. minutu, strijelac je bio Besi.
Mančester je tek negdje od 85. minuta počeo konkretno da napada i izjednačio je na 1:1 u 89. minutu, kada je Megvajer pokupio "otpadak" i pospremio ga u mrežu poslije očajne intervencije golmana Bernda Lena i loše procjene Bisija kod pravljenja ofsajd "zamke".
Nakon toga je domaći tim jurnuo po sva tri boda i ostavio prostor za kontre, što je sjajni Fulam iskoristio u 97. minutu.
Adama Traore je u svom stilu protutnjao terenom, pravovremeno uposlio Ivobija, a još jedan reprezentativac Nigerije je perfektno reagovao i odmjerenim udarcem savladao Onanu, za 1:2.
Komentari (0)
POŠALJI KOMENTAR