Pripadnici Službe zaštite i spašavanja Glavnog i danas imaju pune ruke posla, a pojačan sjeverni vejtar im otežava gašenje požara u gradu i okolini.
Komandir Službe zaštite i spašavanja Nikola Bojanović izjavio je da su ugasii požar kod magacina MUP-a u Zagoriču, a da je trenutno aktivan požar na Kosoru, kao i onaj većih razmjera u Brskutu i na Stravču gdje gori već tri dana.
- Danas smo gasili požar koji je izbio kod magacina MUP-a u Zagoriču. On je ugašen i provjerena je unutrašnjost magacina – kazao je Bojanović za Pobjedu.
Kako dodaje, trenuto je aktivan požar u Kosoru, iznad restorna ,,Mijović”.
- Tamo su tri naše posade sa sedam vatrogasaca – kazao je Bojanović.
Već treći dan aktivan je požar većih razmjera u Brskutu i na Stravču.
- Naše ekipe dežuraju na tom području 24 sata dnevno, kako se požar ne bi proširio prema objektima. Branimo Gornji i Donji Brskut, Stravče, katune, cijeli taj potez… Juče je bio aktivan i avion Direktorata za vanredne situacije MUP-a CG, ali to je ogoman prostor, a danas imaju zahtjeva i iz drugih opština – zaključio je Bojanović, uz napomenu da im jak vjetar otežava gašenje.
Komentari (0)
POŠALJI KOMENTAR