Šef američke Nacionalne vazduhoplovne i svemirske administracije (NASA) Bil Nelson vjeruje da "život u drugim djelovima svemira, vrlo vjerovatno, postoji".
„Mislim da ćemo dobiti nekakav pokazatelj da tamo negdje gore postoji inteligentan život“, poručio je Nelson, gostujući na TV mreži NBC.
Nekadašnji astronaut, a danas šef Nase, ističe da je svemir izuzetno star i veliki – a to su potencijalne razlozi za pronalazak inteligentnog života u galaktičkom prostranstvu.
„Ako imate svemir koji je star 13,5 milijardi godina i koji je toliko veliki, postoji li šansa da se tamo negde nalazi još jedno sunce i planeta s atmosferom poput naše? Ja bih rekao da postoji i mislim da ćemo dobiti nekakav pokazatelj o tome“, navodi Nelson.
On napominje da se Nasa već godinama bavi potragom za životom izvan Zemlje, referirajući se na astrobiološki program.
„Tražimo život na Marsu, na drugim planetama, i pokušavamo da otkrijemo druga sunca koja imaju planete sa gostoljubivom atmosferom“, navodi Nelson.
Ovo nije prvi put da Nelson ističe kako ljudi nisu sami u svemiru, isto je učinio i prije manje od dvije sedmice kada je komentarisao izvještaj o NLO koje je Pentagon predao Kongresu, i u kojem je potvrđeno postojanje NLO, iako se o njihovom porijeklu i svrsi i dalje apsolutno ništa ne zna.
Komentari (0)
POŠALJI KOMENTAR