Gradske vlasti u Barseloni zabranile su izgradnju novih hotela u centru grada da bi smirili građane koji se žale na astronomske cijene nekretnina.
Gradsko vijeće odobrilo je prijedlog gradonačelnice Barselone Ade Kolau, bivše aktivistkinje koja je napravila ime boreći se protiv iseljavanja dužnika po nalogu banaka, da se smanji broj soba za turiste u centru grada.
Prema novoj uredbi, hoteli, agencije za izdavanje stanova i druge organizacije koje se bave izdavanjem soba za turiste dobijaće nove licence za ograničen broj soba, i to na obodima grada.
Nove licence za hotele u centru grada, pogotovo solitera, neće biti odobravane, čak i ako dođe do zatvaranja nekih hotela.
Barselonu je u 2016. posjetilo 32 miliona turista. Polovina posjetilaca dolaze samo preko dana, a odsijedaju u okolnim i priobalnim mjestima.
Komentari (0)
POŠALJI KOMENTAR