Češki predsjednik Petar Pavel danas je povjerio Andreju Babišu, lideru populističke stranke ANO koja je pobijedila na parlamentarnim izborima ovog mjeseca, da vodi razgovore o formiranju nove vlade, što je naredni korak u povratku milijardera i bivšeg premijera na vlast.
Od izbora održanih 3. i 4. oktobra, ANO je u pregovorima sa desničarskom, evroskeptičnom strankom Motoristi i krajnje desničarskom, anti-EU i anti-NATO partijom SPD, koje bi zajedno imale 108 od 200 mjesta u donjem domu parlamenta.
Stranke finalizuju zajednički program vlade koji će vjerovatno dovesti do većih fiskalnih rashoda, manjeg nivoa podrške Ukrajini u odbrani od Rusije i snažnijeg protivljenja politikama EU o migracijama i klimatskim promjenama nego što je to bilo pod odlazećom centrističko-desničarskom vladom Petra Fijale.
Pavel je rekao da je Babišu povjerio mandat za formiranje vlade zbog toka pregovora između stranaka. Dodao je da očekuje da vidi tekst planiranog programa vlade u drugoj polovini ove sedmice.

Komentari (0)
POŠALJI KOMENTAR