Fudbaler Kremonezea Džejmi Vardi naimenovan je danas za najboljeg igrača Serije A u novembru i postao prvi engleski igrač koji je dobio tu nagradu.
Bivši kapiten Lestera odigrao je tri utakmice u novembru u Seriji A i postigao je gol protiv Juventusa.
"Vardi je zaista igrač iz druge ere. Njegov dolazak u Kremoneze dočekan je sa velikim entuzijazmom svih navijača Serije A, a Vardi im uzvraća vrhunskim nastupima, urođenim liderstvom i važnim golovima, što je rezultat takmičarskog duha i šuterskih vještina, koje su ga uvijek odlikovale", rekao je izvršni direktor Serije A Luiđi de Servo.
Među nominovanima za nagradu, koja kombinuje glasove navijača sa statističkim podacima, bili su golman Milana Majk Menjan, Lautaro Martintez iz Intera, David Neres iz Napolija, Leo Estigor iz Đenove i fudbaler Udinezea Nikolo Zaniolo.
Vardi je odigrao 10 utakmica i postigao četiri gola za Kremoneze, koji je ove sezone ušao u Seriju A i zauzima deveto mjesto na tabeli.
Komentari (0)
POŠALJI KOMENTAR