Predsjednik SAD Donald Tramp se upravo oglasio, nakon razgovora sa ruskim predsjednikom Vladimirom Putinom. Rekao je da je postignut velik napredak.
"Upravo sam završio telefonski razgovor sa Vladimirom Putinom i bio je vrlo produktivan. Predsjednik Putin čestitao je meni i Sjedinjenim Državama na velikom postignuću – uspostavi mira na Bliskom istoku, nečemu o čemu se, kako je rekao, sanja stoljećima.
Vjerujem da će uspjeh na Bliskom istoku pomoći i u našim pregovorima o okončanju rata s Rusijom/Ukrajinom. Predsjednik Putin zahvalio je Prvoj dami, Melaniji, na njenom angažmanu s djecom. Bio je vrlo zahvalan i rekao je da se to nastaviti.
Takođe smo proveli dosta vremena razgovarajući o trgovini između Rusije i Sjedinjenih Država nakon što rat sa Ukrajinom završi. Na kraju razgovora dogovorili smo da će se iduće sedmice održati sastanak naših visokih savjetnika. Početne sastanke Sjedinjenih Država vodiće državni tajnik Marko Rubio, zajedno sa raznim drugim osobama koje će tek biti imenovane.
Mjesto sastanka tek treba biti određeno. Predsjednik Putin i ja potom ćemo se sastati na dogovorenoj lokaciji, u Budimpešti u Mađarskoj, kako bismo pokušali okončati ovaj “neslavni” rat između Rusije i Ukrajine.
Predsjednik Zelenski i ja sastajemo se sutra u Ovalnoj sobi, gdje ćemo razgovarati o mom razgovoru sa Putinom i mnogim drugim temama. Vjerujem da je u današnjem telefonskom razgovoru postignut značajan napredak", napisao je na Truth Socialu.
Komentari (0)
POŠALJI KOMENTAR