Obnašanje

Za Antenu M piše: Jadranka Selhanović

Već neko vrijeme se kod nas  potpuno odomaćio  izraz OBNAŠANJE. Jeste malo čudno. Jer, kažu da je kroatizam. A, sadašnje nam prilike nijesu  baš pogodne za kroatizaciju. Naprotiv.

No, čiji je da je, koriste ga svi. Valjda prikladan za upotrebu. I razna tumačenja.  Taman kakav nam treba. Da sve pokrije. I ponešto sakrije.

Na primjer, čuješ: „Obnaša funkciju“. Znači nešto važno čini. I kako sad to shvatiti? Kako prevesti na naški?  

Sve su prilike da su danas, ovima što zvanično obnašaju, date velike „prevodilačke mogućnosti“. Među kojima  se prepoznaju:

-        Zapalo me da činim.

-        Dobro znam što činim.

-        Po naredbi činim.

-        Od gologa straha činim.

-        Znam za koga činim.

-        Nema sile da puštim ovo što činim.

-        Činim jer umišljam da umijem da činim.

-        Činim što mi je volja.

-         Sve za sebe činim.