U ponedjeljak veče dogodilo se još jedno ubistvo nožem u Engleskoj, piše Skaj njuz.
Policija i bolničari pozvani su oko 20 sati i 30 minuta po lokalnom vremenu nakon dojave da je u četvrti Kentiš Taun u sjevernom Londonu izboden muškarac u dvadesetim godinama.
Uprkos naporima hitne službe, proglašen je mrtvim na mjestu događaja.
Ovaj najnoviji napad nožem dogodio se istog dana kada je premijer otvorio konferenciju o problemu ubistava hladnim oružjem, na kojoj će 100 stručnjaka raspravljati o tome kako riješiti problem nasilnog kriminala.
U toku je istraga ubistva.
Prije samo par dana, nepoznati napadač je u sjevernom Londonu nožem ranio četiri osobe.
Žena i trojica muškaraca nožem su napadnuti s leđa dok su mirno hodali Edmontonom. Agencije pišu da su svi prevezeni u bolnicu te da su dvije osobe kritično.
Policija smatra da napadi nijesu povezani s terorizmom te da su žrtve, "čini se, izabrane nasumce" jer su bila same i ranjive.
Komentari (0)
POŠALJI KOMENTAR