Region danas bruji o fotografijama koje je jedna majka navodno objavila iz bolnice.
Naime, društvenim mrežama šire se fotografije blizanaca koji imaju pet mjeseci, a nalaze se u zagrebačkoj bolnici.
Bebe se, kako je rekla njihova majka, trenutno nalaze u Klinici za infektivne bolesti "Fran Mihaljević", prenio je Index.hr.
Dok pojedini mediji prenose izjavu njihove majke, koja je rekla da su dječaci rođeni tri mjeseca prije termina, a u KB "Fran Mihaljević" se nalaze jer su dobili grip, pa potom i rota virus, iz uprave bonice stiže drugačija informacija.
Majka ih je navodno posjetila u nedjelju u bolnici, a tamo je zatekla užasno stanje.
Bebe su bile prljave, pelene im nijesu bile zamijenjene, a najšokantnije je što su bile vezane za krevet.
Kako je kazala za tamošnje medije, kada je htjela da porazgovara sa sestrom, nije mogla daje pronađe.
"Bebice stare 5 mjeseci vezane su za krevetiće zbog infuzije, po*išane i po*akane i to u tolikoj mjeri da guza i svi intimni dijelovi izgledaju kao žive rane! U stvari pa to i jesu žive rane! Možete li zamisliti kakvu bol i traumu prolaze ove bebice??? Oko ruku imaju rolne od toalet papira", napisala je uz fotografije.
Iz bolnice su hrvatski mediji dobili sljedeći odgovor:
"S obzirom da u ovom slučaju ima elemenata krivičnih dela, slučaj smo prijavili policiji i prepustićemo nadležnima da odrade svoj posao. Dakle, u ovom slučaju, osoba koja je fotografisala decu i objavila fotografije nije roditelj te dece. Dalje, počeli smo da dobijamo pretnje smrću, pa smo kao bolnica sve prijavili policiji", kazala je Alemka Markotić, direktorka klinike 'Fran Mihaljević'.
Iz Ministarstva zdravlja Hrvatske najavilio su da će u bolnicu poslati inspekciju.
Komentari (0)
POŠALJI KOMENTAR